لايحمل البندق ولاهو بحناش
وافرح بمحضاره واقدر جنابه
يستاهل الغتره وسبحه ودشداش
لو كان ماتصلح عليها ثيابه
هذا زمان اول وثاره ولد لاش
ارسلت له رسله ولا جا جوابه
كنت احسبه وافي ولاهو بغشاش
واثره كما جم غثيث شرابه
جلس لنا بالدرب واركز برشاش
وجاني سهم طايش وانا اشكي صوابه
لويش ترمينا وتهرب وتنحاش
مادام لك قوم وعزوه ولابه
الذيب راعي طعون والكلب نهاش
والنمر عن ظفره يكفيه نابه
ياكلب مالك زاد في عظم واعراش
مادام ماتارد موارد ذيابه
اترك سباع الغاب بالغاب تعتاش
وتلقالك اسباع معاها تشابه
يازين هرجك والفعل ماش في ماش
ضاعت هقاوينا ومعكم غلابه