ودي يزين الحال وتزين الاوضاع
وانسا جديد الهم وانسا قديمه
وتبرا جروح القلب واتزيل الاوجاع
والقا مع الجيران بنت/ن وسيمه
يهنابها قلبي بعد صاحبي ضاع
واقفى وخلالي جروحي مقيمه
مثل اليتيم اللي ورا الديد لاجاع
يرضع من ابهامه يحسبه غنيمه
ومن بعد جابو له حليبه برضاع
عذر وقال اصبر على افراق ميمه
وجاته قليلة دين وعيونها وساع
عمه من الرحمه ولطفه عديمه
وسكت من الراعه ومن خوفها انصاع
وقامت تسب امه وتظهر شتيمه
وتحلف ثلاث ايمان لرميك بالقاع
لنكان ماتجلس بحشمه وشيمه
وياسعود من خلي على التسبد مرقاع
ورا الحنايا العوج تسمع حطيمه
من بعدها ياسعود والقلب مرتاع
مالي جدا ياخوك روحي سقيمه