ياهل الغلا للشعر نبراس وشهود
وشعري وريث اجداد ماهو عشاقه
وان صار للشعار غايه ومقصود
نارد مثل غيث صدوق حقاقه
واليوم اشوف القاف والشعر موعود
في مدحكم من باب حق الصداقه
والمدح يالاجواد مافيه منقود
لاصار من باب المعزه نطاقه
حلا سوات الطيب من فايح العود
لاشمه العابر تبسم وشاقه
غالي على الحله وغالي على العود
يبي دخون العود يسبق حراقه
وان كان بعض الناس ماصار موجود
نسرق بنات الفكر عنهم سراقه
واصحابنا غابت ونرقب متى تعود
عشرت عمر مع شخص مقوا فراقه
وفيه الوتر باني صروحه على الجود
غيثه كما برق تلا لا براقه
ومن قدم الطيب له الطيب مردود
وافي ولد وافي معز الرفاقه
وجيكر سوات السيف لعداه مجرود
يبتر شديد العظم ويقص ساقه
ومدحي على الاعضاء ولاهو بمحدود
يروي خبوت البر والسيل فاقه