ياطاري الاشواق وشلون مامسيت
تلفي علي بليل والليل مزري
من سبتك لاني بحي ولاميت
امشي واجر الصوت وارخصت قدري
وياضلع ياللي فيك بالرجل عديت
اخايل المعسل وغنيت حدري
تشرف على مكه والابراج والبيت
وانا من جبال الهدا ضاق صدري
تخبر زمان فات والا تناسيت
يوم المطر والخير والسيل يجري
وفوقك شبيه الريم تكا وتكيت
انشد له بيوتي واغني بشعري
واكتب على حيدك من الدر كم بيت
اجرح بنان اليد والدم حبري
ويلاه ياحي نساك وتناسيت
وطافت بعدها سنين عمره وعمري
ويالعاشق الاسمر ترا منك ونيت
وجرحتني ياخوك من دون تدري
ناديتني بالاسم والاسم له صيت
اسم حسبته مات واليوم يطري
واونست في قلبي وجيعه وضجيت
وهلت دموع العين والثوب مفري
الله حسيبك كيف بالاسم ناديت
ماتدري ان الاسم للجرح يبري