كنت احسبك ياعازف الناي مرتاح
واثرك من اوجاعك معاها توني
لاترخص العبره على واحد راح
وتسهر ومضنونك يعيش امتهني
ولا تلحق المقفي حسافات ونياح
وش لك بواحد عشرته ماتوني
ويابنت ليش الدمع من عينك انساح
من جور وقتك خافقك لايجني
مارجع الميت بعد موته اصياح
ولا رجعه واحد سواتي يغني
اخذت انا والوقت سرحه ومرواح
في موتر/ن ريحة وعطره يبني
اسهر ورا الغالي ليا نور الاصباح
وان جيت في داره وليفي زبني
وغادر بعد روحي وخلف لي جراح
ماعالجه ساره ودكتور فني
ويامن يفك القيد بي جرح نضاح
ودمي نزف والناس لاهين عني
انا مريض من الهوا والعمر زاح
وشيوخكم واعلاجهم يمتحني
ويابنت حظي من بعد صاحبي طاح
مسجون في غرفه وحالي غبني
اعوي كما سرحان في جنب صحصاح
وابكي من همومي ليالي وحني