توصي على اسرارك بعد ماكشفت الحال
تبي الناس تحفظها وتصلح لك النيه
ليا كان بحتلنا بالاسرار يارجال
كثير العرب تاكل لحوم البشر نيه
ومن قال عنده بير للسر ماينطال
ترى البير تشربها الدهور السناويه
وينزل لها الطرقي ولوما معاه حبال
ولوكان بالصوان والصخر مطويه
ويحفر تراب البير ويشوف مابالجال
من اسرار تحت الارض للناس مخفيه
يدور تراث القوم من ماضي الاجيال
ويكشف مخابيها عن اسنين مفنيه
والاعراض فيها ذنب ياللي لها تغتال
معك كنها علكه على الضرس والحييه
تبي تضحك الاصحاب بهروج قيل وقال
وتوسع بها مجلسك في داجي الفيه
وترا فالعرب عاقل وفيهم بعد جهال
وفيهم قصير اذراع ماهاش لوخييه
وتخير من الاشكال واختار لك منزال
يبي ينزله ولدك على الطيب والسيه
وقوم عمود البيت بالدين قبل المال
صلاتك واهل بيتك عن اللهو منهيه
ودور على المحتاج واحسن ولا تختال
هني الذي قدم بدنياه ربيه
مصيرك بعد كم يوم عن دارها رحال
وعسى الرب يختم لي ولك صالح النيه