تقول وشبك مادرست وتخرجت
واصلت تعليمك واخذت الشهاده
ياليت ماهونت عنها وكلجت
وياليت مع غيرك بلغت الرياده
تخرجي لاصار مابينكم دجت
وخرجت من دنيا الطفش والنكاده
اباحتفل بالموت لاعنكم مجت
مادامني معكم فقدت السعاده
ياليتني مايوم معكم تهرجت
وفارقت دنياكم بيوم الولاده
وياليتني ماملت فيكم ولا احتجت
ولا نثرت الدمع فوق الوساده
مع لوعة الحرمان عشت وتدرجت
وعانيت من ضيمي وهمي زياده
وشربت كاس المر من ثم هملجت
ماجاز لي شربه وعيفت زاده
هذي ثمان اسنين فالبيت بنجت
انبش بقايا الجرح واعصر ضماده
لاتلعب بعقلي بعد ماتفرجت
ودور على غيري وبرك شداده
انا نحيل الجسم لوبحت واسرجت
جسم ماغير اعظام كني جراده
وانته مع اصحابك رقصت وتحلجت
كنك طويل اذراع حصل مراده
وانا مع اصحابي ولايوم سملجت
ابي سوالفهم وعيف القراده
وشموخ والا جود من نومهم هجت
يالله دخيلك من زمان القراده