جتني وشافتها عيوني وفزيت
فزيت من حر/ن عليها طواني
كنت احسب ان اللي ورى الاسم مليت
واثر اسمها ملطوش من شخص ثاني
قلت ارحبي عداد من حج بالبيت
وعداد مايلهج بذكرك لساني
يامرحبا مليون واهلآ وحييت
ياللي على قطع المواصل حداني
اناشهد انك بالعشق ذائعة صيت
يالمهره الشقرا وبنت الحصاني
واناشهد اني بعد فرقاك مامسيت
والعين حدر دمعها من وجاني
ياما على اسبابك من الوجد ونيت
وياما على شاطيك شوقي رماني
اهلآ هلا مليون من خافق ميت
مادام شوق القلب نكه وزاني
وسويت له ترحيب من بعد رتويت
واكتب له اشعاري واطامر مكاني
وقالت ترا غلطان وشلون هليت
بشخص مايعرفك يامودماني
دور على صاحبك وان كانك ازريت
احذر تقول الحب بار وعصاني
وضاعت علوم الحر يالعود واقفيت
امسح دموع العين واندب زماني