يافز قلبي من هوا صاحبي فز
فز اشقر لاشاف طير الحبارى
والا كما فزت جديد مقزز
من سرعته كنه مع الجو طارى
عليه قلبي من محانيه يهتز
وعليه اجر الصوت وانثر عبارى
ياصخر حظي كل يوم ايتعكز
شيب براسي ياصخر ثم بارى
لاواهنيك مع وليفك معزز
حلمك تحقق يوم حلمي توارى
وانا ضروفي دايم تلزني لز
وسط الحشا شبت وقايد ونارى
واقلبي اللي ضامه الوقت وانهز
وعيوني اللي كل ليله سهارى
ياصخر تفاحه على الصدر منرز
وفي خدها ياصخر دوم اتمارى
ومبسم كما برق بعاليه لافز
لاناض نوره بالسحب واستدارى
اشوف موتي حزني بالحشا حز
يالله تحسن طرقتي والمسارى