البرد قارص والندى فوق الاشجار
والحي مظلم والهداوه تعمه
وناظر الساعه وقلبي على نار
باقي على الموعد دقايق وضمه
والقلب يرجف كن في داخله طار
والشوق يدفعني عن الوعد يمه
ورميت غرفتها ب 5 من احجار
احجار مثل الحمصه والازمه
وفتح لنا الشباك خجل/ن ومحتار
وغطا ابتسامه لي خجوله بكمه
وقلت افتحي دارك ترا دمنا فار
والصبر بايح والعقل في مهمه
وخايف من اعجيز تسير على الدار
وتحطني بين العرب في مطمه
وفتح لنا حوشه ورحب بمليار
والكل منا زاح ضيمه وهمه
وجلست انا وياه مابين الازهار
مرات يدفعني ومرات اخمه
ويوم التفت وليا العجيز ورا جدار
ابليس في لحمه وشحمه ودمه
قلنا هلا بالي كما نور الاسحار
الي بها العطر الفرنسي نشمه
ماتدري اني فيك نظمت الاشعار
وحبك غزير/ن داخل القلب جمه
قالت عساك الموت ياورع مكار
مع بنتنا جالس ومافيك ذمه
وبالصوت صاحت ياعرب كنها حمار
ونادت على لافي وزايد وعمه
واخذت لي شونين بالظهر مقطار
اشد من ناب الحنيشي وسمه
وقالت بسرعه قبل لابيح الاسرار
الكل منكم ينقلع غرفة امه
ولاتنشدوني ياعرب وش بعد صار
طمرت لي حوشين وجدار قمه