انتظرونا قريبا التجديد الكامل للمجتمع .. ورفع احدث نسخ الويندوز مع البرامج المفعلة بروابط تورنت
شاطر
استعرض الموضوع السابقاذهب الى الأسفلاستعرض الموضوع التالي
avatar
عضو مبدع
عضو مبدع
Time Online : 18d 20h 57m 42s
المساهمات : 312
نقاط : 935
السٌّمعَة : 1
تاريخ التسجيل : 03/03/2017
العمر : 19
الموقع : http://inkor.ibda3.info
معاينة صفحة البيانات الشخصي للعضوhttp://inkor.ibda3.info

حنين وعتاب

في الجمعة مارس 17, 2017 9:14 pm
بحر الحب واسع دون مـَرسى أو شِطان
وأنا فى العـميق حَـتـَل بى هوى السودان
***********************
حبى كتير لأرضو، والمويى، والإنـسـان
وما ليه مثيل أبداً، فى ما يكون وما كان
كيف أشفى منو، وأنا ذقت العذاب ألوان
وما أنفك القليب بيهو على الدوام ولهان
************************
يا ديار أمى وأبوى، أخواتى، والإخوان
صورة الأهل ماثله قدامى فى الصحيان
بل دايماً تطـاردنى فى كـل حـين ومكان
و دا غـير كـل ليله أنا بالجـميع حـلمان
***********************
ياحـليل جـلسة أصحابى وأيضاً الجيران
عـلى كم واحـد أسلم، وأنا ماشى للدكان
ما أحلى إجتماعاتنا على فـطور رمضان
يوم كان كل واحد يوزن كلامو بالميزان
**********************
يـوم الـليـلـى أصبحـت مـقابـل الحيطان
كأنى مسجون مستنى رحمة السـَجـَّان
كل شى ما سخ جداً، وكل شى وسخان
وما بالـضروره يكون واضح لـلـعـيان
**********************
الـدُون دايـماً مُكَـرَّم لإخـتـلاف أوطـان
وعشان لونو الفاتح، ولونى فيه دَكان
ما لـتـعـليـم نـالـو، وما هـو للإحـسـان
فى بلادو الواحد ما يسوى جوز حزيان
**********************
ليه دايماً الـعـربى بـرغـم الـعـلم مهـان
يكدح ويجتهد ويعمل، لكن بدو ن لمعان
وحتى لو يـحـرثـلو فى الأرض كم فـدان
تلقى كل العملو فى التقييم لاظهر لا بان
**********************
واااحلالى عليك يا الصامد فى الأوطان
وما غـادرت الـبـلاد عـشان إسـم رنَّـان
واصـل هـنـاك وكـون، لـلـبـلاد رُبــَان
عـشان تـرسى السفـيـنة فى بـر الأمـان
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى