قلبي وفكري منتحي يم حائل
وانا سهرت الليل جسم بلا روح
صوب الديار اللي بها الزين اخايل
وابكي من اسباب المقادير وانوح
صبرت واثر الصبر مامنه طايل
كثر الصبر ياناس يامنه مصلوح
ومن قال همك يابن الاجواد زايل
هذي ثلاث اسنين ماقال مسموح
مافادني صبري ولانلت نايل
امر/ن مقدر لي ومكتوب باللوح
ويالمهره اللي من بنات الاصايل
امنسبه للشام في اسطبل بن نوح
تاخذ من اعتيبه وشمر دلايل
في رسمة العينين والخد والبوح
والشعر من عالي ردوفه شلايل
اشقر على الجنبين ضافي ومطروح
طالبك يالمزيون لم الجدايل
القلب من ماجاه لساع مجروح
لاشفتها من فوق متنك تمايل
تلعب مع النسناس لاهب وتلوح
يفز قلبي ياعريب السلايل
واعوي كما السرحان في جنب صحصوح