لاتحسب ان الصمت يازين نسيان
لاوالذي صورك لااموت مانساك
مشفق على شوفك وضامي وولهان
ليته يزين الحظ واجيك والقاك
يقبل علي الليل وامضيه سهران
مشاعري والفكر والفقد يعناك
لازانت اصحابي ولازان الاخوان
كل/ن يحسب الطب للروح فرقاك
والقبر عن فرقاك جنه وبستان
يستر غثا طيشي عن اعداي واعداك
ودنيا بلا رودك عساها بالاحزان
تباشر بركان من رب الافلاك
يصعد بها فالجو لاغر الامزان
وتهوي على عفريت وتدك دكاك
ومادام جا للشر والكذب عنوان
هذي يميني واعطني كف يمناك
وبكره نبي ننحاش وانروح لبنان
ناخذ تذاكرنا ونسكن بعل باك
ونشعل شموع السعد ونجر الالحان
ونرقص على الموال ياليل محلاك
وناخذ لنا غرفه محاطه بجدران
ولابها بيبان تفتح وشباك
ونقضي بقايا العمر من دون ورعان
واعيش في حبك وهمسك ونجواك