جيته بعد عانيت من بعد وافراق
وفيني وله مشعل على التسبد حرا
اسابق الخطوه على افراح واشواق
واتخيله جالس معي واتورا
وشفته وقف لحظه على الباب وانساق
اسرع من الرمشه على العين مرا
شايل طرف ثوبه ليا مكسر الساق
وانا جلست اراقبه واتحرا
مثل الضبا طرفه وعنقه والاحداق
اليا مشا خطوه بعدها تذرا
خايف يشوفونه ولافيه مدراق
والليل بدري واكثر الناس برا
وجاني بعد عمري على ضم واعناق
يلعب معاي وبالسوالف تجرا
قلت انت حالي بس اشوف الحلا فاق
مثل القمر وانجومها والمجرا
فيكم من المعسول حالي وترياق
يبرا جروح العشق لله درا
قالت عشان القلب هاوي وعشاق
ياجعلني ماذوق حزنك وحرا
انته خذيت العقل غصب بلا طاق
وحالي بعد فراقاك ماعاد سرا
تذرف عيوني كنها نوض براق
اقفا سواد العين والصبر مرا
وقلت اصبري والرب كتاب الارزاق
ويمكن يجي للحب بيت ومقرا
ويمكن بعد شهرين نغدي للاسواق
وتصفي لنا الخطر ولافيه شرا
واناولك قصة حياتي بالاوراق
وفر بك باسواق بيروت فرا