حي القصيد اللي لفاني من الذيب
ذيب على طرد الفرايس مضرا
ماينزل الا في عسير المراقيب
واليا سرا ليله بالالحان جرا
عشاه من عفرا ومن شمخ النيب
وان جاع تال الليل سير ومرا
حتى الاثر بالارض نخطيه ونصيب
مايمشي الا مع عسير وحرا
ياجيكر العيه وياجيكر الطيب
ماراغ في قوله ولا منه فرا
مصيون في عرضه وخالي من العيب
والطيب والناموس بيت ومقرا
النا عليك احقوق والنا مواجيب
فاللي علينا ياعضيدي تعرا
سرق حصيلي بعد ماكان بالجيب
واعطاه واحد ثم تاب وتبرا
ورجع لتالي القوم خسران ومخيب
راح الحصيل ومابقي مايسرا
ماجا حرامي يسلبه دون ترحيب
وياكيف يرضى دام بالفعل شرا
مايدري ان الرب علام بالغيب
وانا عزيز النفس ماجيت اطرا
من فعلته زعلت رجال ورعابيب
وقامت من افعاله تعاف وتزرا