لاترفع الهامه وتحسبك رجال
وانته مع الحرمه يبيلك وكاله
ولو تلبس الغتره ومن فوقها عقال
والله مانته من رجال الشكاله
الحر في دربه كما النجم بالعال
يمشي مع الشارع وينظر قباله
ماخاف منكم ياسرابيت وانذال
ولا يفكر في عموم الحثاله
الرجل بيته للرياجيل مدهال
للضيف والعابر مركي دلاله
تلقاه فالشدات في كل الاحوال
يانعم في عمه وابوه وخواله
شيخ ولايسمع لهل قيل وقال
وعلى علوم الدين ربا عياله
وان جا نهار فيه غارات واقتال
بالسيف والشلفا يورد حباله
وانته ردي النفس خاين ومحتال
عايش على اللنعمه وفيك الجهاله
حافظ على سلما وحافظ على هلال
وخلك كما الشاوي يراقب حلاله