ادرا شرف عرضي

  Bài viết hay nhất1
ادرا شرف عرضي وعرض الرياجيل

واميز الكلمه وادور وراها

اخاف تلحقنا هل القال والقيل

ناس يجينا هرجها مانراها

واصحابنا لوكان نسقيهم الهيل

اذا لقت غلطه مشت في براها

سوت لزلاتك شويه تعاديل

عنوان مع منتاج للي قراها

وبعض العرب زوله وجسمه كما الفيل

تنتظره الحرمه وهو ماحتراها

عايش ورا الشله قلبها تعاليل

ومافيه ليله فاتته ماسراها

وبنت الرجال تحط فالبيت وتشيل

مع حظها اللي باعها ماشراها

في بيت ابوها مالحقها ولا ميل

واليوم هلت دمعها من عراها

ويالله يامعبود ياموفي الكييل

ياواحد بالستر خلقه دراها

تعزنا بالدين من دون تبديل

واستر عيوب الناس لاحد طراها
لاتستطيع الرد على المواضيع في هذا المنتدى