اغلا من الحيين

  Bài viết hay nhất1
ياغلا من الحيين واللي بعد مات

يابعد راس المال واللي بقالي

بعدك حياتي ضايعه في متاهات

عايش مع اصحابي وكني لحالي

اسهر على ذكراك والجفن مابات

ويمناي مع طاريك تصفق شمالي

واصيح لك بالصوت وانشد لك ابيات

كنك معي عايش وجالس قبالي

والبارحه والليل له عشر ساعات

لقيت بالجوال مكتوب غالي

تقول سوق الرجل واطوي المسافات

وقدام نور الفجر وانته قبالي

وجيتك سوات البرق والوعد مافات

مافوت الفرصه معذر بحالي

والذيب مايرجع قبل يفرس الشات

لاحانت الفرصه وجاله مجالي

وتذكر شراب التوت من دون كاسات

تقول ناسيها وش اللي جرالي

واسقيتني بالبوص من فم واشفات

واسكرتني من ثغر معسول حالي

وبعده رجعت اسقيك واشرب سويعات

حتى طلع يذن سمير البجالي

والشعره اللي شلتها منك باسكات

خبيتها ذكرى ليوم احتفالي

لليوم هي عندي بدرج الملفات

اغلا من اعيوني وتالي حلالي

اضمها لاشتقت وازفر بونات

واصيح من وقت بعدكم مضالي

والفها بالبوك وانام غفوات

واللي تميته بعيد المنالي
لاتستطيع الرد على المواضيع في هذا المنتدى