يامغلق الجوال والقلب ولهان
ونغمات صوتك بين قلبي وسمعي
تسللت لاطراف قلبي بالالحان
ومن نغمة الهمسه يكفيك وضعي
وتربعت صورتك بهداب الاعيان
بغيت اخبيها وهليت دمعي
كنك غزال الريم باطراف بستان
تلعب على روحي وشعرك مدرعي
وقلنا عساك اتمر بالحلم وتبان
وسكرت جوالي وطفيت شمعي
وصحيت من نومي وانا منك زعلان
وفي يقضتي صار الامل فوق وسعي
وخيم علي الليل وامسيت حيران
وبيحت مكنوني وغيرت طبعي
ورحلت عن عمري وخاويت الاحزان
وبقا ابتسامه باهته عند ربعي
وزمان ياروحي مع الحب لك شان
وماكنت انا شكي لك همومي ولا انعي
واليوم اسوق الطيب لجلك ولا زان
وجمعت معروفي وضيعت جمعي
ذكراك صارت لي معناه وادمان
واطلب من المولى واناجيه وادعي
وماخاب ضني دام بي روح والسان
لاصار فالمولى رجايه وطمعي