مركب الاشواق

  Bài viết hay nhất1
لاتنتظر شعري وحرف/ن كتبته

مادام يحكي حب من بعده افراق

ماعندكم ياكود مركب صنعته

من هيض وجداني ومجموعة اوراق

مركب حملت الريج فوقه وشلته

ريشة قلم مجداف والحبر سواق

اصارع الامواج والبحر طفته

ماهملجت عيني ولاخاطري راق

واليا ابتديت الحرف ع الجدر شفته

اشوف له صوره على الجدر وارواق

يخزني بالعين لامن لمحته

ومن حوله البرواز والخد براق

ارتاح لاجاني وعندي قبضته

وحول على صدري ونبضه بالاعماق

اكتب له اشعاري ولامن فقدته

ادعيه بحروفي ونبضات الاشواق

وان زادت اهمومي عنيت وزبنته

وضميت بروازه وقبلت الاحداق

ويالايمي دمعي عليهم ذرفته

والصدر من كثرت معاذيرنا ضاق

واقسم برب البيت ريحه شممته

ريح العطر والعود مع ضم واعناق

من دونها روحي وحالي كرهته

وياشين حال الحر لاحن واشتاق
لاتستطيع الرد على المواضيع في هذا المنتدى