كما المهره الصفرا غشاها الحلا والزين
شعرها على الكتفين والورك منشلي
خطير تروح الروح لاخزتك بالعين
سهوم المنايا بازرق الرمش والضلي
سكن حبها بالقلب فاول شهر بالفين
بعد حادثه والقلب للعشق ياذلي
وصارت بدايتنا على سب بين اثنين
معاير كما الجهال واحسبتها تذلي
وخبيت عنها العشق واظهرت مر وشين
ابا اذلها وافرح ليا دمعها انهلي
ولا يوم سلمنا عيال اهلهم قشرين
ليا قلت لي كلمه ترد بعشر فلي
وعيت مشاعرنا تماشا مع الصفين
نبض حبنا باقلوب عذرات واحتلي
وقلنا نبي نظهر غلاهم ولو بعدين
وصرت ابعث رساله وهي دوم ترسلي
وانا ماعشق الي ياسعد شعرها كفين
ولاعشق هبيله طالع شعرها ملي
ليا شالت الطرحه تشابه غراب البين
من الخوف والراعه على الهاشمي صلي
تنفخ شفايفها وحرشا سوات حبين
على الصخره الصما مع الصبح متدلي
تقول اثرني حلوه واثاري كما كاترين
لكن العرب ماعاد تشر وترطلي
هذي قصتي ياخوك وافزع وابيك اتعين
تعين الذي جرحه سبايب هله واهلي