الاوجاع

  Bài viết hay nhất1
ياساقي الروح العليله بالاوجاع

ومضفي على العين السهيره رمدها

ياساتر اشواقه عن العين بقناع

واشواقنا تمشي لداره وحدها

امسيت افكر فيك والقلب ملتاع

والشوق ذابج والجفا امر وادها

وقتي لعبي ماصفا لي ولاطاع

ولا داج ب اسواق التجور وردها

على طريقي كنه ابليس فالقاع

وان شاف له حره بدربي طردها

وان جيت ابين له ضروفي والاوضاع

اما لهدني تيت والا لهدها

يالجوهره يالدر ياماس لماع

ياقايده للريم تمشي جهدها

ياورد يامزيون ياعود نعناع

يامن عن الخثرات ربي فردها

ذبحتني بالحب ياعذب الاطباع

واشواقنا لوهي لغيرك رصدها

ماني لمال الناس يابنت طماع

لو السهر يعمي العيون وبردها

ابي احتمي بالصبر لو صاحبي ضاع

ومن دور الراحه لنفسه وجدها

والصقر مايبقى بوكره لياجاع

يرحل من ادياره لدار بعدها
لاتستطيع الرد على المواضيع في هذا المنتدى