الشعر نبض حروف من وجد واحساس
لاصرت متعذب ولك قلب موجوع
وراع العشق يابنت يفرق عن الناس
يخفي معاناته وينثر له ادموع
وانتي طواك الحب واسرجتي افراس
وشعبتي احصانك وذليتي اربوع
جيبي بيوت الشعر من خاوي الراس
لوكان حبل اثنين بالوصل مقطوع
وانكان حبيتي ترا العرض مانداس
العشق في سلم المحبين مشروع
وانتي من ابحوره شربتي 100 كاس
وغيرك نظم شعره ولا ذاق قرطوع
وش فايدت شعرك ليا غل بدباس
وفي ذاكرت جوال عامين مرفوع
ابانتظر شعرك والارياق يباس
وقلبي مثل قلبك له اسنين مفجوع
ياما سهرت الليل والفكر محتاس
وياما ثنيت الساق والقلب منزوع
واليوم اشوف الموت واونس له اوناس
يبس له الساني واحسه كما الجوع
ويلاه ثم ويلاه ويلاه من باس
اشوف انا موتي كما السيل مدفوع