الماضي

  Bài viết hay nhất1
لا تستدير وتلتفت نحو ماضيك

لو كان فيه الخير يمديه خاواك

ولاتنظر لواحد ذكرته وناسيك

مادام من ضمن المعازيب ساواك

اللي يحبك ينشغل بالفكر فيك

وان غبت مايرتاح يالين يلقاك

كنك من اخوانه ويفرح بطاريك

عايش معه بالروح وشلون ينساك

واللاش بلزومه يدورك ويجيك

واليانتها اللازم يمر وتعداك

الحاجته كنه يعزك ويغليك

يمشي معك بالدرب والرجل تبراك

واحذر من النمام بالكذب يبليك

وتفرح عليك اعداك وابوك يشناك

والا معه بالكذب والبوق يعديك

ويرمي عليك العيب عنوه ويبلاك

ودور معك فالناس واحد يخاويك

بالروح قبل المال يالقرم يفداك

وعلى دروب الخير والدين يهديك

واليا بلاك الوقت ياقف بيمناك
لاتستطيع الرد على المواضيع في هذا المنتدى