انتظرونا قريبا التجديد الكامل للمجتمع .. ورفع احدث نسخ الويندوز مع البرامج المفعلة بروابط تورنت
شاطر
استعرض الموضوع السابقاذهب الى الأسفلاستعرض الموضوع التالي
avatar
عضو مبدع
عضو مبدع
Time Online : 18d 20h 57m 42s
المساهمات : 312
نقاط : 935
السٌّمعَة : 1
تاريخ التسجيل : 03/03/2017
العمر : 19
الموقع : http://inkor.ibda3.info
معاينة صفحة البيانات الشخصي للعضوhttp://inkor.ibda3.info

خيال حجيله

في الأربعاء مارس 15, 2017 9:03 pm
تعال واشرب لك من الكيف فنجال

من خمرة معلوقها البن كيله

يعجبك صبابه مع الصب لامال

ويعجبك ريح الهيل والزنجبيله

والخاطر اوسع من قرينيس والضال

واوسع من الجردا وخبت العبيله

يامرحبا حييت ياطيب الخال

يانسل عود مامشى بالرذيله

مانفتح المجلس لمنعاه واجدال

ولا نفتحه لجل العلوم الهزيله

ارحب على القهوه ومن عقبها الفال

يامرحبا حييت يابن القبيله

جبنا العسل والسمن من بيت رجال

مرسل هديه من زميل الزميله

مدت كريم ماطلب بعده ريال

الا طلب نسمح فكرها قليله

ويزعل ليا مديت من جيبي المال

ويقسم يمين الله ماخذ بديله

ماقال ينساني بعد صار نحال

ولاجاته الطمعه وضيع دليله

وراع الكرم والجود لو شان به حال

عينه على بيته ووراعي جميله

فارس ولد فارس وللخيل خيال

اليا عدى خيله يشوخ بذيله

وان جيت ينقالي من اطيبهن سلال

ويفرح ليا مني خذيت الحجيله

احجيله اللي ماتوخر وتحتال

تطمربنا روس الحصى والنثيله

الام ميسونه وابوها عبيال

ماتنسخي بنت العجوز الكحيله

ياطيب خدتها ليا شعرها مال

وياطيب مفرقها وكد الجديله

ماسامها الشاري ولا سام دلال

روحي من فراق العريبه عليله

نطيح في حفره وخندق ونشتال

صويبنا مانتركه في مقيله

وجلودنا بعد السفر كنها ثفال

ورحنا سوات النيص شوكه حميله

احيان نضوي لاسرحنا ونختال

واحيان نمرح فالخبوت المهيله

واحيان في نعشين واحيان في هلال

واقرب طبيب ليا مرضنا نجيله

عشرة عمر يضرب لها بيننا امثال

ماهي كما عشرة كليب وجليله

ولابيننا خصمه ولافيه جلجال

والصعب عن درب السناعه نزيله

نقطع مسافتنا ولو دربنا طال

ونطلع من الوادي لبطن السليله

يازينها زيناه في سلم وقتال

وياحظ راعيها شفتله غليله
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى