قصيدة عتب

  Bài viết hay nhất1
على الله عظيم الشان راع الكرم والجود

جزيل العطايا مدته من يقارنها

رزق فالبحار الحوت وايضآ صغار الدود

وحنا بشر مثل الذهب في معادنها

ونعم بالرجال اللي مثلنا وساع بنود

هل العز والناموس والطيب ديدنها

رجال تعزم الضيف وتقدم المفرود

ولو تمحل الديره عن الجوع تزبنها

ونا لي تجارب مثبته فالورق بشهود

عليها الشهود ثبوت والكل يضمنها

فزعنا مع الاصحاب ونزيد فالمجهود

نحسب العرب تشكر وبكره تثمنها

وظهرنا من المولد وكل التعب مجحود

خذتها عيال اليوم من دون تتقنها

حسبنا المؤسس له مزيا ورا المجهود

واثاره سوات الشاه للموت سمنها

وحسبت العرب فيها سنافي وفيها فهود

لياسقت له معروف للوقت خزنها

وثار العرب تسى وتجزاك بالمنقود

ولا تعرف الخله ولو كان تامنها

وعسى الله يفرجها عليه الرجا المعبود

جزيل العطايا مدته من يقارنها
لاتستطيع الرد على المواضيع في هذا المنتدى