طيور الحباري

  Bài viết hay nhất1
قالت سلام وكيف حالك وش امسيت

ياحرنا اللي كان صيده حباري

اليوم اشوفك عن سماها تواطيت

ورجعت تطرد فالحجل والقماري

وبين السلم والراك طحت وتساويت

وعجزت ل صقور الجزيره تباري

من اول عن ماكرك ماتوانيت

تهابك طيور الفلا والضواري

وان شفت لك صيده كفخت وتعليت

تطرد وراها مع نسيم الذواري

هذا الكلام وكانه ازعجك قفيت

وعذرت من قولي وبعض الطوري

قلت السلام انكان يقفاه ياليت

خليه في نحرك وصدي يساري

ماهمني هرجك ولا منه فزيت

دام القصر مسكون والضيف جاري

انا ورى صيدي كفخت وتعليت

ولابان لي خله ولاشي عواري

واليوم جا للصيد بوم وكتاكيت

من داجي الفيه وبين الشجاري

وغدوبها واقفوا ونا عفت وانحيت

وتكسر جناحي وهون مطاري

والله لروح القبر مافك لي بيت

واترك طيور الخبت فيها تماري
لاتستطيع الرد على المواضيع في هذا المنتدى