قل للذي وده يخرب علاقاتي
الناس جتني بكل الهرج من فمه
ابوه وامه على النمات تقتاتي
وهو كماهم يشيل الكذب وينمه
والكلب ينبح وطول الليل ماباتي
والنمر شبعان مع نومه على القمه
ومصيونة العرض بنت الناس بالذاتي
حذراك تاصل لها بالهرج يالرمه
ونا تركت الهوا واعلنت توباتي
ويحرم طريق العنا مامر من يمه
واصحابي اعزهم في كل الاوقاتي
وادرا على العرض واللي طاح ماذمه
وان غاب قلت البلا لو صاحبي ماتي
والا يقع صاحبي مرضان عند امه
وانته حسبتك حشيم وبك مسراتي
نفرح لياجيت لو الناس ملتمه
واثرك كما الحيه اللي نابها عاتي
والداب ماحد سلم من نابه وسمه
يجري مع الدم حتى الموت سكاتي
والقبر بعد الهنا والسعد يختمه
ويارب انا اسألك لاطُوْيَتْ سجلاتي
وقدام ربعي تحفر القبر ودمه
تغفر ذنوبي وتمحى كل سياتي
والروح في جنة الفردوس لك ضمه